പതിനാറു തിങ്കള്‍ കഴിഞ്ഞുപോയി
പതിവിലേറെ വേനല്‍ കനിഞ്ഞുപോയി
പതിറ്റാണ്ടുകള്‍ പതിവു മുടക്കാതെ വരും
ആ വേനല്‍ മഴയിന്നു പെയ്യാന്‍ മറന്നുവോ?
തണല്‍ മരങ്ങള്‍ ഇല കൊഴിഞ്ഞു
നില്‍ക്കുകയായി.....
തണ്ണീര്‍ തടാകങ്ങളിന്നു തായ്‌മണല്‍
ഭൂമിയായി വേനലില്‍:
താനേ ഒഴുക്ക് നിലച്ചുപോയി
കണ്ണാടി പുഴകളെവിടെയും
നിറഞ്ഞൊഴുകുന്ന ചാലുകളെല്ലാം
കണ്ടാ നാള്‍ മറന്നുപോയി.....
പച്ചില, പൂമരം, പുതുമണമെന്നും
ചുറ്റി നില്‍ക്കുമാ സഹ്യനു
മരതക മാല കോര്‍ത്ത്‌ നല്‍കിയൊരു
നാടാണോയിതെന്നോര്‍ക്കണം.....
നെല്‍മണി കതിരുകള്‍ പട്ടു ചുറ്റി
നില്‍ക്കുമാ പാടത്തു
കൊയ്ത്തുപോകും ആ കാഴ്ചകള്‍
ഇന്നെവിടെയോ.....?
അറിയാതെ നാം ചെയ്ത വികൃതികള്‍ ഏറെയും
അറിഞ്ഞു ചെയ്യും കുറെ പ്രവൃത്തികള്‍ കൂടെയും
പ്രതിഫലം തരുമീ പ്രകൃതിയും ഈ തോതില്‍:
"മരണത്തെ ഇന്നു നാം മാടിവിളിക്കുന്നുവോ?"
No comments:
Post a Comment