ഉപേക്ഷ

കടുത്ത വാക്കുകള്‍ കനല്‍ക്കട്ട പോലെ
കരിഞ്ഞു പോയീടുമീ കവനഹൃദയം
കാണാതെ പോകുമീ കണ്ണുനീരൊഴുക്ക്
കണ്ടു കിട്ടാത്തൊരു കടങ്കഥ പോലെയോ...


"ചതികുഴിയില്‍ വീണവന്റെ കഴുത്തില്‍
ചവിട്ടിയിന്നു ചാട്ടവാറു വീശീടുമീ ലോകം"
ജീവചക്രങ്ങള്‍ക്ക് ചരട് വലിച്ചീടുമാ
ചാണക്യനിതു കണ്ടിടാത്ത കവിതയോ?


ചിറകറ്റു കിടക്കുമീ തൂവല്‍പക്ഷിക്കു
ഇനിയെത്ര ദൂരം ബാക്കിയുണ്ട്?
കാറ്റത്താടന്‍ കൊതിക്കുമാ കാട്ടുമുല്ലപോലെ
കൈപുനീരിറക്കുന്നവനും കിനാവുകളേറെയുണ്ട്