"ക" വിത

കണ്ണടച്ചു നിന്നാല്‍
കണ്ണുനീര്‍ ഒഴുക്കു നിന്നീടുമോ
കാഴ്ചയില്ലാത്തവന്‍:
കരയാതെ നോക്കി കണ്ടവരുണ്ടോ?
കരയാതെ പോയതാര്?
കാഞ്ഞുനില്‍ക്കുമാ കതിരു പോലും കരഞ്ഞ നാളുണ്ട്.
കനല്‍കാറ്റ് വീശിയോ?
കഥനകഥ കേള്‍ക്കാതെ ആരോ വഴിമാറി പോയോ?
കാലപരിധി കഴിഞ്ഞതാര്‍ക്ക്?
കാലഹരണപെട്ട ചിന്തകള്‍ കൊണ്ട് നടക്കുന്നവര്‍ക്ക്.
കാലം മായിക്കാതതെന്ത്?
കാത്തു വെയ്ക്കാന്‍ കഴിയും നല്ല ഓര്‍മ്മകള്‍ മാത്രം
കാത്തു നില്‍കേണ്ടത് ആര്‍ക്കുവേണ്ടി?
കാലം കരുതി വെച്ച നിന്റെ കന്യക്ക് വേണ്ടി
കാണാതെ പോകേണ്ടതെന്ത്?
കണ്ടവര്‍ പറയുന്ന കുത്തുവാക്കുകള്‍
കണ്ടു വളരെണ്ടാതോ?
കഠിനാധ്വനവും കളങ്കമില്ലാ സ്വപ്നവും.
കടപ്പാട് വേണ്ടത്
കര്‍മഭൂമിക്കും കാത്തീടുമാ ആ ദിവ്യ ശക്തിക്കും