Thursday, May 27, 2010

കാള്‍സെന്റര്‍

രാവുറക്കം നിഷേധിക്കപ്പെട്ട ചിലരുണ്ടീ നാട്ടില്‍
ഉയര്‍ച്ചയ്ക്കുവേണ്ടി ഉയിരേ ത്വജിച്ചിതാ
ഉറങ്ങാതെ കണ്ണുയര്‍ത്തി പിടിച്ചു രാത്രിയില്‍
ഉരുവിടുന്നു എന്നുമൊരെ മന്ത്രഗീതം.....


തേച്ചുമിനുക്കിയ കോട്ടും സൂട്ടുമായി വെറുതെ
ആ ചെവിയിലൊരു കുന്തവും കുത്തിപിടിച്ച്‌
കാരണവന്‍ പറഞ്ഞു തന്ന കാരണം ആരോടോ
ഓതിച്ചങ്ങു... തള്ളിനീക്കുന്നു ഇഴയുമാ രാത്രിയെ.....


ഒഴിവുനേരമൊരു കപ്പു കാപ്പിയൂതിപിടിച്ചു
അരുകില്‍ ഇരിക്കുമാ മുക്കാല്‍ പാന്റിട്ട തോഴിയോടു
വെടി പറഞ്ഞു വെറുതെ കളിച്ചു ആ രാത്രിതന്‍
കളികൂട്ടരെ നിരീക്ഷിച്ചു, വര്‍ണിച്ചു നില്‍പിതാ.....


പോകുന്ന വേളയില്‍ പുലരേ സേവിക്കുവാന്‍
"ബ്രെഡും ബട്ടറും" വാങ്ങി ബാഗിലാക്കി ധ്രുതിപെട്ടു
ഓടിപിടച്ചങ്ങു കയറീ കാറിലൊന്നു വേഗം, പിന്നീടു
യാത്ര പറഞ്ഞു, "ആ രാത്രിയോട്‌:" ഒരു പാതിയുറക്കത്തില്‍:.....

2 comments:

Sree said...

wonderful thought! Thank s Lot bringing out these kind of realities through your works!

KRISHNAN said...

ini melaal BPO Employeesine kurichu ithe kanakku vruthikedu ezhuthi pidippichaal.. appo kaanaam