പ്രത്യാശ

ഇത്തിരിവെട്ടത്തിലിമ്മിണിപ്പൂക്കളാദ്യം
പിന്നേയും പൂവിട്ടു പൂവിട്ടു പൂന്തോട്ടമായി
താഴുന്നു കേഴുന്നു തേടുന്നു വെറുതേ
പടരുന്നു പാരിലിതു പാല്‍വള്ളിപോലെ...

ചപ്പിലക്കൂട്ടങ്ങള്‍ ചളിച്ചുപൊയെങ്കില്‍
ചന്ദനമുട്ടിയിട്ടു കത്തിച്ചിടാനാകുമോ?
ചന്തമില്ലാത്തതു കൊണ്ടാകാമല്ലെങ്കില്‍
ചേറിലേക്കെറിഞ്ഞു ശിക്ഷിച്ചു പോയത്...

കണ്ടിട്ടും കേട്ടിട്ടും കാണാനും കരയാനും
തേടിയെത്തിയതാരാരോ ഈ വഴിയില്‍
പാടുന്ന പാട്ടുകള്‍ തീര്‍ന്നതോടെയിവര്‍
പ്രത്യാശ തന്നു പറയാതെ പിരിഞ്ഞു പോയ്...

ഒഴുകുന്ന വെള്ളത്തിലൊരുമയോടെ
ഒഴുകാനായൊരുമിച്ചു നിന്നവരൊന്നുപോലെ.
കഥയെന്നും തുടരേണം കാവലായി നില്‍ക്കേണം
കാരുണ്യദീപമേ കാക്കണേ നീയെന്നും ...